Von dem Richs tage
Zu Trier gehalten
Anno 1512 tem=
pore Maxi
mili
ani
Donrstage nach Inuo= cauit [4.! März] | Uff donrstage nach Inuocauit . v. Marcii vmb viere vren nach mittage ist keyßch Mt den Ryne herabe kommen faren. Zu Coblents angelannt. Im Dutschenhuß den legger genomen. Daselbst In abwesen des Erwel ten von Trier vnd churfn vnd von syner g wegen entfangen haben key. Mt. Wilhelm h Zu Isembg, Jo her Zu Elts, Doctor Johan Gutman Offi[cia]l Zu Cobl., Doctor L iting, R von Rile, C von Dieuelich, R vom burgdorn, Der Siegeler vnd D von Dietze mitt andern vnd Jrer Mt. geschenckt .i. fuder wynes vnd ettlich fische. Keiserlich Mt. hat durch Iren Hoffmarschalck Windischgretzer den Trierischen antwurtten laissen. Ire Mt. [fol. 22v] neme das geschencke In gnaden an vnd wulle dem Erwelten eyn gnedigster Keiser syn. By dem Keiser syn gewest Pfaltzgraue Friderich Hertzog Vl von Wirttenbg Hertzog von Bruynschwygh Zorn, Mansfelt, Monfort, Nassaw Budingen etc. vil Grauen vnd hrn. |
Fritage [5.3.] | Den fritage Zu Cobl. stille gelegen vnd Im Tutschenhuiß misse singen laissen. |
Samstage [6.3.] | Samstages hat Syn Mt. Zu S. Florin Ertzb Jacoben Zu Trier Requiem laissen singen. Nach der missen an das schiffe vnsers g h., Das an der brucken gehaltten, geritten. Dar Inn gesessen vnd die Mosel vß gefaren. Syn mat. hat vngeuerlich by Ire gehabt [fol. 23] An die iiijc pferde Gemelts Samstags Im mittage Ist Keyßch mat. ad Cathenas kommen. Da gefutert, der von Trier die Mosel herab gefaren Inn meynong den Keys. Zu Cobl. Zu entfangen. Da der Keis. Trier gnediclich angesprochen vnd Ime erleubt, ghen Cobl. Zu faren vnd vber drey tage nachZukomen. Die nacht hat der Keiser Zu Cochme gelegen. |
Remi[ni]scere [7.3.] | Den sontag Remiscere ghen Celle. Daselbs In der Kellnerien gelegen. Trier hat syner Mt .i. fuder wyns thun schencken. dargegen Ire Mt. dem Kelner daselbs Jorgen von Sien= heim vj vnd syner frauwen i. gulden geschenckt. |
Montage [8.3.] Vff den tage fuere der von Trier von Cob- lents vß In synem Rete schiffgin, vnd ich ver= sumt das schiffe vnd moist | Den Montag ghen Cusa gefaren vnd die nacht Inn des Kelners huß Zu Berncastel gelegen, gnt Frid. Schwane. Der Jrer Mt. von Triers wegen xx Hecht vnd viel schoner fornlen geschenckt. Keißlich Mt. hat Ine mit vj fl. vnd syn Frauwe mitt ij fl. vereret. |
nachlauff biß ghen Nidderuelle. [23v] | |
Dinstage [9.3.] | Dinstags Zu Numagen blieben Inn des von Isenburgs huiß. |
Mittwoch [10.3.] | Mittwochs biß ghen Clussart gefaren daselbst vffgesessen. ghen Trier geritten. vnd den Leger Im pallast begriffen. |
Donrstag [11.3.] | Donrstags Zu Trier. |
Fritage [12.3.] | Fritags hat Ire Mt. Im doeme Misse Discantiren laissen. vnd den abent dem von Trier, der eben ghen paltzel an= kommen was, Zuentbotten, Er wulle dem von Trier samstags Zumorgen In das felt gegen paltzel entgegen ryten vnd Ine Inn Trier fueren vnd das by Jrer Mt. denselben morgen der von Trier essen sulle. Trier hat darfur, das Keyß. Mt. Ime entgegen ryten wulle, vnderteniclich gebetten, vnd er wulle by Jrer Mt. essen. |
Samstage [13.3.] | Samstags zumorgen ist Trier vonn Paltzel vß mit lx Pferden ghen Trier geritten, synen chf. g syn von des Keisers wegen entgegen kommen bede Grauen von [24] Zorn vnd mansfelt vnd syn Zu Sand Symeonsportten Jn Trier vber den martt zum pallas Zu geritten. Key. Mt. den von Trier entfangen. Trier hat sich Im pallas by Matern burgguen vßgetan. Zu morgen mitt dem Keiser gessen. Nach Tische ist Keißch Mt. mit obg. fursten vnd Trier vber bruck vß beysen geritten, mitt den falcken. Den abend widder Inkommen vnd Trier synen legg by dem doemdechan von Criechingen genommen. |
Oculi [14.3.] | Uff Sontag Oculi hait der Keis. In dem pallast Misse figurieren laissen. Der von Trier hat des Keisers Tramptern (der mitt dem heerbuycken schlaher xiij waren.) thun schencken ― xiij fl. auri. |
Montage [15.3.] | Montages vmb die acht vren des abends hatt Trier eyn gnedig Audientz by dem Keiser alleyn. daselbst der Keiser Ime Zusagte, Ine gern mitt des stiffts regalien Zu belehennen. [24v] DinstageMittwoch Donrstage |
Fritags [19.3.] | Fritages ist Keiserlich Mt. mitt obg. Chur. vnd fursten Zu Sandt Maxmin geritten, daselbst Misse vonn Sandt Maxmin figuriren laissen, nach der missen das heiltumb vnd des cloisters priuilegia gesehen. Den nach mittage umb die v vren ist Keysch Mt. mitt obg. Chur vnd fursten vß dem pallast zum frythoff Zu durch den bestern vber den Martte Zu Sand Symions portten vß In das felt dem pfaltzgrauen Curfn. entgegen geritten, den entfangen, widder Zu Trier In vber den Martt. durch pallas gasse. In den pallast geritten. daselbst der pfaltzgraue vrlaub genomen, den obg. chur vnd fursten Zu syner herber= gen Inn fleisch gasse geleidt haben. [25] Der pfaltzgraue hat gehabt vmb Lx pferde. |
Samstag [20.3.] | Samstags haben die Keiserlich Senng vff anstellen hern Gabrielen Voigts, Camer Secretarien, eyn misse Zu dene Frauwenbruderen figurirt, Den abent Jnn vnser L. Frauwenkirchen Salue regina figurirt. Gemelts samstages Ist Keyserlich Mt. vß Trier, mitt wenig folcks, geritten. ghen Berperg Zu deme von Werdenbrg Graue Felix, von dannen ghen Diedenhouen. vnd vortt ghen Metze. vnd daselbst syn Tribut von den von Metze, welichs sie nyemans wan eynem Keiser selbs liebern. Ist by mynen tagen dißmale, vnd hieuor Anno 1492 auch geschehen. |
Letare [21.3.] | Vff Letare Jherusalem haben bede Pfaltzgrauen Zu den Carmeliten Misse, die des Keisers Senger figuriert haben, [25v] gehoert. Den tage hat der von Trier Im doeme misse gehoert. Vff gemeltten Sontage Ist der Rate von Collen kommen faren. |
Montage [22.3.] | Vff Montage nach Letare haben by Trier Zu morgen gessen vnd also gesessen Paltzg Churf. Hertzog frid. syn bruder Graue Jtelfriderich von HohenZorn Trier Graue phil von Nassau Der eltter Ryngraue Die essen: Mandelsoppe Grundelen Pasteden mit Eelen [26] Blae hechte. Mitt eyner Groener saels Stoere. Mitt rueben Gesotten fornlen Karpen In eyner negel brue Eyne Pfannen gebacks Gebacken grundelen inn eyner gelbe Galentin Gebraten fornlen Krebs Tartten. Desselben tags vnd die Zit hat die Triersch Cantzlie Zu gast gehabt des Keisers Senger. Jrer Namen: Te[nor] d thomas Nicodemus Bas Bas d wilhelmus Georius Alt Te d Gregorius Gregor Te Bas Rotensteyner Michael Te Alt Georius fogel Cum x Juuenibus. [26v] Die Jnen vorgestaltt gerichte: Mandelsoppe Heiß Carpen Kappesmueß Backfisch Hecht mitt eyner saels Salmen Im peffer Gebacken bieren Galentin Fladen. |
Dinstag [23.3.] | Dinstage |
Mittwoch [24.3.] | Mittwochs hat des Ertzb. Zu Collen Orator by Trier gessen. |
Donrstag [25.3.] qui obiit ib[ide]m In Crastino marci. sepul[tus] Apud S. Maxi. ante cho[ru]m. Habuit annue In beneficiis fl. et ab Impe[ratore] M fl. [27] Der Keiser nannt Zu der zit den Ko. Zu Franckrich Bruder, vnd ee der richs tag vergienge, wurden sie fiande. | Annunciacionis Marie, das was vff Donrstage, hat Trier Zu gast gehabt doctor Doppeler, Probst Zu Nurenberg, Doctor Rebeler vnd h. Herman Rincker. Den tag haben des Keisers Senger Zu Oeren figuriert. Vnd syn Zu obg. Kur= vnd fursten vff obg. zit Zu Trier gewehst [27] Die Bottschafften Des Ko vonn Franckrich Des Hertzogen von Ferrar des Babstes: quidam s[a]lutem rote Ludouicus Des Ko Zu hispanien. Der Statt Spier. |
Fritag [26.3.] | Fritages nach Annunciationis Marie ist der Keiser widderkommen. |
Samstage [27.3.] | Samstages ist Hertzog Johanns von Beyern Zu Spanheim mitt xL Pferden ankommen. Hertzog Alexanders bottschafft Zu Veldents, doctor Phil Sommer. |
Judica [28.3.] + dem Erwel- ten Zu Trier Nota: | Vff Sontage Judica ist der Keiser mitt nachfolgenden Chur vnd fursten vnd bottschafften Zu Sand mathis geritten vnd daselbst misse Laissen Discantiren. Der Abt (Antonius gnt.) sang die misse. [27v] Der stant Im chore Im Inganghe: A dextris: Keiser. Churf Trier gab wihewasser dem Keis alleyne. [Churf] Pfaltz Hertzog frid. von beyern Hertzog Hans von beyern Wirttenbg. Hertzog von Bruynschwig Marggraue Hans von brandenbg. A Sinistris: Babst frantzosisch Engelisch Bottschaften Nauarr Walachen. Der Keiser hat abgeredt zuschen den beiden bottschafften von Franckrich Vnd [28] Hispanien, das wan Keiserliche Majestat Zu kirchen steet, ye eyn bottschafft vmb die ander vnd nit bede erschynen sulten, (wiewol das, als hie nach steet, nit gehal ten worden, propter superbiam Galli etc.).
Das widder gehen Trier Inryten: Zum ersten viel Edelen Zu fueß, darnach Zu pferde viel Edelen, Darnach Zu pferde viel Grauen vnd hern. Vff die Walach Wirttenberg Brandenbg. Bruynschwig Den nach Htzog fride Nauarr Hertzoch Hanns Vff die Trier Engelant Pfaltz. Den haben gefolgt Babst Keiser Franckrich. Darnach die Keiserlich Rethe vnd also Zum pallast Ingeritten. da yedermann [28v] erleubnisse genomen. Den tag syn ankommen die bottschafften des Hertzogen Zu Lothringen, Der Statt worms. Keiserliche Majestat hat von Elsen vonn Nuynheym weggen, die am Trierschem kurf Hoiffgericht vrteil verloren vnd keyß. Mat. supplicirt+, thun schriben, vnd das datum also gesatzt: Geben In vnser vnd des Heiligen Richs statt Trier vff etc. Vnd als der Erwelt solichs lase, liessen syn g. sich beduncken, also Zuschriben saltt Jme vnd dem Stifft nachteilig syn, Jnn ansehonge wie die statt von Trier Jme vnd synem Stiffte bewant vnd zugetan were, vnd hat geschickt synen Cantzler zom Keiser vnd syn Mat. des, wie Trier durch Keiser Carlen den viertten mitt vrteil vnd rechte, vnder der gulden bullen, Ertzbischoff Conen von Trier, Synen nak [29] vnd dem Stiffte zugesprochen w, vnder- tenigst berichten, syner Mt. Copy dauon geben vnd vor solich schriben bitten laissen. Ire Mt. hat auch daraffter. wiewol sie Zu Trier dem Erweltten mehr brieue thun schriben, sich also Zu schriben gnedieclich enthalten vnd an getanem bericht eyne Keiserlichs benugen gehabt. Der von HohenZorn, als der gern ettwas fynanzt wult haben by denen von Trier, hat sich zum burgermeister vnd rat getan, sie gefraigt, ob sie auch priuelegia vom Keiser haben vnd ob sie die confirmi= ren wullen laissen. Jst anttwt gefallenn, Sie haben keyne. Hat er witer gefraigt weme si Zusteen, dem Keiser oder dem Bischoff. Haben sie geanttwurt, Trier sy eyn frystatt vnd gehoere Jr Keyme Zu dann eynem Ertzb. mitt eyner massen. Die vonn Trier haben vff Richstegen keynen stant wie ander Stette, wird [29v] auch nit angeschlagen. |
[29.3.] | Montags |
Dinstage [30.3.] | Dinstags ist keiserlich Maiestat vß Trier geritten, beissen: die nacht Zu Grimburg. Mittwochs Zu Sandwendl, Donrstags Zu Schelingen gelegen vnd den Fritag widderumb ghen Trier kommen. |
Mittwoch [31.3.] | Mittwochs haben die wirttenbergische Senger Zu den Carmeliten figurirt, de S. Sebastiano. Cum organo. |
Donrstage [1.4.] | Donrstags Zum morgen Essen hat der Erwelt Zu gast gehabt Htzoch Hans von beyern Wirttenberg Bruynschwigh Brandenberg Grauen Zu budingen. Die Essen: Mandelsoppe [30] Heiß Grundelen Basteden mit Elen Heiß Hecht Stoer mit peffer Eyn pannen gebacks Heiß Karpen Eyn mandely Gebacken grundelen Eyn groen mueß Husen mit Essigh Eyn feßgin mitt Gebraten fische husen hat der Keis. Eyn krebs mueß dem Erweltten gesch Gebacken bieren enckt Galentin Krebs Des tags syn ankummen der Bischoff Von Gurck Serantiner Cantzler Eyn ander Hispanisch Bottschafft. |
Fritage [2.4.] | Fritages, hat der von Gurcke Zu dene Predigern misse figuriren laissen de tempore. [30v] |
Samstage [3.4.] | Samstages ist kommen ryten vmb vier vren nach mittag Der Ertzb. Zu Ments Vriel, dem der Keiser mitt den Kur vnd fursten entgegen gezogen. |
Palmtage [4.4.] Der von Gurck
+ + c + + | Vff den heiligen Palmtage Ist Keißch maiestat Im doem Zu kirchen gewest, mitt nachfolgenden Chur vnd fursten vnd bottschafften. Beide Keiserlich vnd Wirttenbergisch Sennger haben das Offi[ciu]m und passion figurirt vnd vbermasse wol. Der Stanndt A dextris: Keiser Ments Trier gab wihewass etc. Pfalts Hertzog f Hertzog h Wirttenbg Bruynschwig. [31] A Sinistris: Bapstes Franckrichs Hispanien bottschafften Nauarr Osterrichs Walachs Der Inn vnd vßgang Zur kirchen: Walach Wirttenbg Bruynschwig Htzoch hanns Nauarr Hertzoch fride Trier mentz Hispani pfalts Babst Keiser Franckrich Gurck Zorn Serantyner. Der Esel ist wie von altter vmb gefuert vnd dem vor gefiddelt und die Luten geschlagen. Der Erwelt hat vff den tage geschenckt. wie nachsteet: [31v] dem Keiser ij fuder w[yns], fische. Ments. i fuder w Pfalts. i fuder w Hertzoch Hanns. i stuck w Hertzoch Fride. i stuck wyns Wirttenbg i fuder w Bruynschwig i stuck w Gurck i fuder w Zorn i fuder w Serantyner i fuder wyns Babstlicher bottsch Fische |
Montag [5.4.] | Montage |
Dinstage [6.4.] | Dinstages [Ist Im pallas discantirt] |
Mittwoch [7.4.] | Mittwochs. Ist Im pallas discantirt |
Donrstag [8.4.] | Donrstags [Ist Im pallas discantirt] |
Fritags [9.4.] Der monche liesse sich In der Passion mercken wid | Karfritags hat bruder Cone, predig ordens, morgens vmb vj vren vor dem keiser In bysyn Trier vnd Gurck vnd vieler Grauen vnd hern die passion bis an die viij vren geprediget. [32] Vmb nuyn vren hat man das Ambt angehaben vnd die Passion figuriert. vnd vnsern Herren Inns grab gelaigt. nach mittage vmb dry vren die Passion Continuirt biß an die v. vre die geendet. |
der die geist= lichen, das sie das werntlich schwertt, welichs dem Keis zustuende, ge= bruchten. Wartt ime von den mentzischen hartt vwissen. | |
Vmb ablais Zuverdienen. Bin ich gangen In die Cene d. Zom heiligen Crutze Zu S. Mathis Zu Nuynbrucken Zu den Carthusern Zu S Johann In das Dutschhuiß Zu Sand mertin In 4 Stunden Zu S Symeon Zu S Mergen Zu S Paulin Zu S maxmyne In den doem Zu vnser L frauwen. [32v] Vff Charfritage Zu dene Predigern Knodelern Augustinern Carmaliten. Samstag Inn die pfarkirchen Zu Sand Laurencien Geruasius Antoni Gangolff Paulus Zu vns .L. Frauwen. | |
Samstage [10.4.] | Gemeltten Samstags ist Keyß. Mt. Langs der Statt Graben (als man saigt wollen vnd barfuß) Ire gepiet gangen ghen Sand Maxmin vnd Zu S. Paulin Das Salue singen, orgelen vnd Drumpten laissen vnd Zu S. Symeon. Ire Mt. hat dem prior Zu S. Mathys gebychtet. Ments vnd Trier syn In der Ostermetten gewehst. [33] |
[11.4.] Noua: Aragon Frantzose syn fiande | Vff den heiligen Ostertage ist Keys. mt. Im pallast blieben. vnd der Erweltte Zu Trier, Ments vnd Hertzog Hans In den doem gangen. Trier by sich gehabt Jo Grauen Zu Seyne Gerlach Salentin Hrn Zu Isemburg Wilhelm Zwene von Kriechingen eynen von Ripoltzkirchen Eberhart hrn Zu pirmont Hern Jorgen von Elts dutschen Compthur Joh hrn Zu Helffenstein Doctor Henrich Dungen Jo hern Zu Elts Friderich vom hagen Michel Waldecker Hoffmeister Casper von Dieuelich Cuchenmeister Corin von nassaw Jo von nassaw Adam vom Steyne Friderich von Elts Wigand von Dienheym Jorg von der Leyen Caspar von Cronenbg [33v] Godhart von Cleberg Ott Hombrecht von Schonenberg Philips Hilgin der jonge Karl [und] Baltasar boessen von Waldeck Jo. von Dieuelich Phil. Mulle von Vlmen Brun von Arscheit Adolff von Reckenrodt Albrecht von Arnheim - wysser - von Belle Die Trierisch Cantzlie: Jorg Kebisch von Spier, Peter Maier von Regenspg, Secretarien Nicolaus Lant von Celle Collector Frantz von Westhaben Ludulff Meyer Hans Liesche Johann Cugnon von barr Den nachmittage hait Bruder Coene Im pallast vorm Keiser geprediget ? Dar nach ist die vesper figuriret In bysyn [34] Trier, Pfaltz, Hertzog Fride, Wirttenbg Bruynschwigk, Gurck, vil Grauen vnd hrn. Darnach ist Kei. Mt. In den gartten gangen mitt obg. hrn. vnd vor nuwe meren gesaigt, der ko von Aragon sy des Ko von franckrich fiant worden. |
Montage [12.4.] Vff den tag ist der statt Coln geschickter eyner von schiderich by den Cartusern gelingen ge- storben. R I P | Vff Oster montage Ist Kei. Mt. In den doeme gangen. Also Am Ersten vil Edelen Grauen hrn. Wirttenbg. Walach Bruynschwigh Hertzog f Nauar Hertzoch H Trier Engelsch b. Mentz. Pfalts. Der von Pappenheim mitt Dem bloissen schwert. Babst Der Keiser Franckrich.
In der kirchen gestanden wie vff Palmarum. an statt Hispanien Engel nemlich magnificus d.Rupertus wyngfelder Eques Serenissimi Regis Anglie et Francie apud Ces[aream] Mtem Orator. [34v] Keisers Capellane haben die Misse, so fi= guriert worden, gesvngen. Trier Zu mittage by dem Keiser gessen. Den nach mittage syn die hrn. alle Zum Keiser Jnn den pallas geritten vnd da ist rat gehaltten. |
Dinstag [13.4.] | Dinstags |
Mittwoch [14.4.] | Mittwochs vnder dem morgen essen Ist ryten ankommen Ertzb. Phi von Collen. mit c viij pferd. Den abent haben Ments vnd Collen by dem Keiser gessen. Nach dem essen Syn by dem Keiser gewest Trier, Ments, Collen vnd Pfalts bis In ix vren. Trier hat den Wirttenburgischen Tramptern geschenckt vi fl. auri. |
Donrstagh [15.4.] | Donrstags hat Trier geschenckt dem von Collen i fuder wyns. |
Fritage [16.4.] | Fritags syn Zu schiffe kommen faren Marggraue F von brandenbg syn soene [35] Casimirus vnd dochterman Marggraue Ernst von baden vnd eyn Graue vonn Hennenbg Des Bischoffs von Wurtzburg bottschafft Her Sigmond von Tungen, Ritter, Hoffmeist vnd Her Peter von Vffsatze doemhr. Der Statt Regenspurg geschickten. Den Tag hat Key. Mt. allen Kur vnd fursten vnd botschafften ansagen lassenn, Zu dryen vren nach mittage vffm Rat huse Zuerschynen. welich rathuse Zugericht was In dem Collegio In Sand Dieterichs gassen Zierlich vnd eerlich, mit viel gemachenn. Demnach syn geritten zum huiß: Marggraue Friderich, Casimir vnd Hans von brandenburg Marggraue Ernst von Baden Trier Collen Hertzoch Hanns Vmb die viertte vre: Wirttenbg. Hertzoch F Brunschwigh [35v] Ments Keiser Pfalts Keiserlich rete vnd Zorn. Zu viere vren hat Keiß. mat. Proponiren laissen vrsache diß Richstages vnnd damitt den richstage angehaben, gescheiden Zuschen v vnd vj |
Samstage [17.4.] | Samstags syn Kur vnd fursten vnd Bottschafft des morgens vmb 8 vren vffm Huiß Zu rade gewest. sine Cesare. Der rat von Trier hait morgens vnd nach mittage mitt dranck vnd Confect den hrn. Eerlich collacion zugericht. wie wol sie des nit Zu thun. In der Osterwochen ist vnss Hern Jhesu Cristi Rocke fonden. que (ut fertur) aliquantulum putrefacta et lacerata est. Cum una p[rec]iosissima cruce Aurea et aliis reliquiis notabilibus etc. |
Quasimo [do geni]ti [18.4.] | Quasimo[do geni]ti hat Keiserlich Mt. Zu dene Cartusern Misse figurieren vnd orgeln vnd den basse mit eyner basunen dar Jnne blasen laissen. Der stannt: [36] A dextris: A sinistris: Keiser b: Marggraff f von branden a: Hertzog Friderich Wirttenbg. Prior Cum Brunschwigh fratribus Margg. Casimirus Margg. Ernst Der von Hennenbg. |
Montag [19.4.] | Montages Syn churf., fursten vnd Stennde des riches vff Das huiß Zu rade geritten. Der Keiser vff das geiegts ghen Dagstul Dinstags ghen Beckingen. den Mittwoch Zu Huyspach gelegen. Donrstags Zu mittage Zu Zerue getzeert. vnd vmb vj vren widder ghen Trier kommen. Jtztgemelts montags Zu mittag haben by Trier gessen Gurck vnd Serantiner. Denselben montag Jst kommen ryten Bischoff Wilhelm von Strasburg mit xL pferdenn. [36v] |
Dinstage [20.4.] | Die Stennde des riches haben eynen vsschosse Verordennt, der ist dinstags Zu morgen Zu rat geritten. Von Trier wegen Johan von Elts. Nach mittage vmb 2 vren die Cur vnd fursten selbs. Des Hertzogen von Guilge Graue Wilhelm von Wiede, Friderich von Brambach vnd Der Cantzler syn den tag ankommen. |
Mittwoch [21.4.] | Mittwochs ist eyn ander franzosisch bottschafft kostlich ankommen. Die haben entfangen vnd der entgegen geritten von des Keisers weggen Hertzog f vnd der von Zorn mitt andern Keißn Reten vnd dene Zu sand maxmyn losieret. |
Fritag [23.4.] | In die Georii syn alle Chur, fursten vnd stende des richs vffm Huiß Zu rade gewest. Den nachmittag Der vsschosse. Gemelts tages hat der Keiser Inn by syn Kur vnd fürsten die frantzosisch bottschafft vnd Ire werbong gehort. |
Samstage [24.4.] | Samstags ist man vffm huse ab[ermalen] [37] Zu rade gewehst. By Collen Zu mittag haben gessen Trier, ments vnd pfalts vnd hat xviij gerichte geben. Den tag hat der Keiser eynen Seehonnt In dem wiher by dem douffborn hitzen laissen, der die honnde genomen, vnder das waser getzogen. Deshalben man dene wiher vßlaissen muessen. Sust were er nit erlaigt wordenn. |
Misericordia Domini S marx tag [25.4.] | Vff Sontag Misericordia domini, was Sand Marx tag, giengen die hrn. vom Doeme In albis Stacie Zu sand Laurentien. Der Doemprobst drueg S. peters stab vnd nach singonge der Antifen filie Jherusalem In sand Laurentien Kirchen synd sie widd vß gangen In den doeme vnd Hoe misse de tempore gesongen. Darinne waren Trier, ments, Collen. Vnd were sand Marx tag gefallen vff eynen wercktage, Were die stacion gangen Zu sand mathis. Zuschen dryen vnd vieren hat Trier deme [37v] von Brandenbg. M Fride. mitt synen Soenen i fuder wynes geschenckt. Deme Bischoff Zu Straisbug i stuck. |
Montag [26.4.] De Pallio Domini | Montags ist man vff das Huiß Zu rait geritten. By Trier haben gessen Ments, Bamberg vnd Strasburg. Nach deme abendessen ist vns g. H. Zom Keiser In dene pallas gangen. viijc knecht halben, So Zu vren lagen, die Trier gerne vß dem Lande gehabt hette. Vff den tage ist her Jacob von Elts von rome mit dem pallio komen. Vmb dry vren Ist der Keys. Mitt viel fursten Zu s. Symeons portten vßgeritten Langs den graben Zu den Cartuseren. Da vesper gehoert. Darna In das fellt beissen geritten vnd vmb vij vren widder kom- men. [38] Denselben abend haben by Trier gessen Her Johann Schurenfels Burgermeister vnd Her Joh. Reide rentmeister der Statt Collen. |
Dinstage [27.4.] | Dinstags. mane Iterum ad Consilium. Zu morgen haben die Kurfn by pfalts gessen. Des Lantgrauen von Hessen Zu Spangenbg Huisf[rau] Ist mitt xx Pferden vnd ij wagen ankommen. |
Mittwoch [28.4.] | Mittwochs. mane Iterum In c[on]silio. |
Donrstag [29.4.] | Donnerstags |
fritage [30.4.] | Fritags. Quirini. mane In c[on]s[ili]o |
Samstag [1.5.] | Samstags Phil[ippi] et Jacobi. ho[r]a 12 Iterum ad consilium. Eodem fuit dedicacio maioris eccl[es]ie Tre[uirensis], ibi comparuerunt d[omini] de S. Paulino et Symeone. In summa missa fuerunt Trier. Mentz. Bamberg. Eodem hat Trier geschenckt Bamberg 1 st w [38v] Baden. C. 1 stuck. Dem Hoemeister Tuischenordens 1 stuck. |
Sontag ij [2.] may | Jubilate, Zu mittag haben by Trier gessen Collen, Brandenb. Frid, Cazi, Hanns, Marg. Ernst vonn Baden vnd Hen= nenberg. Collnische Grauen vnnd Rete. Der keiser hat eigener Person In bysyn Cur vnd fursten Dinstags, donrstags na Mis[ericordia] domini, phil. Jacobi vnd Ju[bila]te die sach beruren des Grauen von Sonnenbg. todschlag zuschen den Trochsessen von walpurg vnd Graue Felix von werdenberg nach der lenge verhoert vnd nach beschlosse den ab- scheit geben: Ire Mt. hab die sache gehoert, wulle nu darinn handlen, wie sich gebuere. |
Montag [3.5.] | Montags, Inuencionis Crucis, hat Im Doeme Keiße. mt. der Keiserinnen fraw Maria blancka begengnisse thun laissen. |
Dinstag [4.5.] | Dinstags begaen laissen Ertzb. Jacoben Zu Trier vnd ander Ire das jare ver= [39] storben Rete vnd diener fast costlich vnd Zierlich etc. Den tage ist der Keis. Zu Lutzenburg Zu geritten, die nacht Zu macheren gelegen. Den nachmittage die fursten Zu Rat. Zu mittag haben by Trier gessen Hoemeist Teutsch ordenns, M. Cristoff von badenn (der das gantz Essen gestanden), M. Phil. von Baden, M. Hanns von Brandenbg. vnd der von Zorn. |
Mittwoch [5.5.] | Mittwochs ist der Keiser widderkommen. |
Donrstag [6.5.] | Donrstags Iterum Zu Rat. |
Fritag [7.5.] | Fritags ad idem. Zu mittage Laurentius Campeius, Orator Pape, by Trier gessen. |
Samstage [8.5.] | Samstages ist der vsschosse vffm huse gewest. |
Sontage [9.5.] | Cantate hat der Keis. Im pallas misse gehoret, die ist discantirt. Dar Jnn mitt [39v] zincken vnd basunen geblasen. In bysyn Trier, mentze, Collen, pfalts, Bamberg, Straisberg, Hertzog f von beyern. M. F[riderich] von brandenbg, Wirttenbg Baden C., Hertzoch Hans, Brunschwig, Marg. Casi, Phil., hanns vnd Ernst. Nach der Missen vnd In bysyn der Cur vnd fursten hat der Keiser der schwytz Bottschafft gehoert. Trier hat den morgen By Wirttenbg. gessen. |
Montage [10.5.] | Montags ist pfalts anheym geritten. Die andern C vnd f vffs huß Zu rat. |
Dinstags [11.5.] | Dinstages ist Hertzoch H hinweg geritten. Vor vnd nach mittag ist man Zu rat gewest Beruren veranderonge [40] ader verruckonge diß richs tages ghen Collenn, wie dan nachfolgends auch geschehen. vnd der richs tage daselbst Zu Collen geendt wordenn ist. Den tag ist ankommen Hertzogh Erich von Brunschwigh. |
[16.5.] | Vocem Iocunditatis. |
[23.5.] | Exaudi. |